Məhkəmədə təmsilçilik xidmətləri
Kommersiya və müqavilə mübahisələri
Biznes tərəfdaşlıqları və müqavilə münasibətləri pozulduqda şirkətlərin maraqlarını məhkəmədə müdafiə edirik. Borc öhdəliklərinin icrasından tutmuş təchizat, podrat və pay bölgüsü mübahisələrinə qədər bütün sahələrdə hüquqi həll yolları təklif edirik.
Vergi mübahisələri
Vergi yoxlamalarının nəticələri, əlavə hesablamalar və əsassız maliyyə sanksiyaları ilə bağlı işlərdə şirkətlərin maraqlarını qoruyuruq. İddia ərizələrinin hazırlanmasından məhkəmə iclaslarında təmsilçiliyə qədər bütün mərhələləri izləyirik.
Əmək mübahisələri
İşçilərin haqsız iddialarına qarşı işəgötürənləri peşəkar şəkildə müdafiə edirik. Əmək müqaviləsinin ləğvi, ixtisar, kompensasiya və digər işçi tələbləri ilə bağlı məhkəmə proseslərini idarə edirik. Hüquqi strategiyamız işəgötürənin risklərini minimuma endirməyə yönəlib.
İnzibati işlər və dövlət qurumları ilə mübahisələr
Dövlət qurumlarının haqsız qərar və inzibati cərimələrinin məhkəmədə ləğvi üçün hüquqi müdafiə təmin edirik. Gömrük, Vergilər, İqtisadiyyat Nazirliyi, Əmək Müfəttişliyi, FHN, Maliyyə Monitorinq Xidməti, Antiinhisar və İstehlak Bazarına Nəzarət Dövlət Xidməti, Əmlak Məsələləri Dövlət Xidməti və digər qurumların qərarlarını əsaslı şəkildə mübahisələndiririk.