Maliyyə-hüquqi uyğunluq və vergi riski analizi
Şirkətlərin fəaliyyətində maliyyə əməliyyatlarının qanunvericiliyə uyğun həyata keçirilməsi və potensial vergi risklərinin öncədən müəyyən olunması strateji əhəmiyyət daşıyır. Bu xidmət çərçivəsində hüquqi və maliyyə sənədlərinin analiz olunması, fəaliyyətin mövcud vergi və mühasibat uçotu qaydalarına uyğunluğu yoxlanılır. Əməkhaqqı fondu, əlavə ödənişlər, təsərrüfat əməliyyatları və müqavilə öhdəlikləri hüquqi baxımdan təhlil olunur, vergi orqanları ilə münasibətlərdə yarana biləcək risklər qiymətləndirilir. Nəticədə şirkətin daxili prosedurları və sənədləşməsi mövcud qanunvericiliyə uyğunlaşdırılır, cərimə və sanksiya riski minimuma endirilir. Xidmət həm yeni fəaliyyətə başlayan, həm də fəaliyyətdə olan şirkətlər üçün tətbiq oluna bilər.
Xidmətə nələr daxildir ?
Vergi yoxlamaları öncəsi hüquqi risk qiymətləndirməsi
Vergi orqanları tərəfindən aparılan yoxlamalar şirkətlər üçün gözlənilməz nəticələr doğura bilər. Biz, vergi yoxlamalarından əvvəl sənədlərinizin və əməliyyatlarınızın hüquqi risklərini təhlil edərək, potensial cərimə və uyğunsuzluqların qarşısını almağa kömək edirik. Bu, sizin üçün həm qoruyucu qalxan, həm də inamlı mövqe deməkdir.
Güzəştli vergi rejimləri və ikili vergitutma müqavilələrinin izahı
Şirkətiniz xarici tərəfdaşlarla əməkdaşlıq edirsə və ya beynəlxalq əməliyyatlar həyata keçirirsə, ikili vergitutma müqavilələrindən düzgün istifadə böyük əhəmiyyət daşıyır. Biz, vergi güzəştləri, azadolmalar və konvensiyalara əsaslanan hüquqi imkanları təhlil edir, sizin üçün optimal variantları təqdim edirik.
Maliyyə hesabatlarına hüquqi baxış (compliance yoxlaması)
Yalnız mühasibat yox, hüquqi uyğunluq da (compliance) maliyyə hesabatlarının ayrılmaz hissəsidir. Biz hesabatlarınızı hüquqi aspektdən analiz edir, qanunvericiliyə zidd elementləri müəyyənləşdirir və sənədlərin yoxlama və auditlərə hazır vəziyyətdə olmasına dəstək göstəririk.
Transfer qiymətləri və rəqəmsal fəaliyyətlər üçün hüquqi yanaşmalar
Rəqəmsal iqtisadiyyat və qlobal əməliyyatlar dövründə transfer qiymətləri və rəqəmsal gəlirlərin vergiyə cəlbi aktual və nəzarət olunan sahələrdir. Bu çətinlikləri düzgün hüquqi mexanizmlərlə idarə edərək, sizi həm maliyyə itkilərindən, həm də hüquqi sanksiyalardan qoruyuruq.