Daxili sənədləşmə və korporativ idarəetmə

Şirkətin stabil və səmərəli fəaliyyətinin təmin olunması üçün daxili sənədləşmə və korporativ idarəetmə sisteminin düzgün qurulması mühüm rol oynayır. Bu xidmət çərçivəsində müəssisənin idarəetmə strukturu, qərar qəbuletmə mexanizmləri və daxili münasibətlər hüquqi əsaslarla tənzimlənir. Təsisçi qərarları, iclas protokolları, səlahiyyət bölgüləri, daxili qaydalar və digər normativ sənədlər hazırlanaraq hüquqi forma verilir. Eyni zamanda, hüquqi baxımdan şəffaf idarəetmənin təmin olunması məqsədilə nizamnaməyə uyğun olaraq fəaliyyət mexanizmləri qurulur, korporativ idarəetmə üzrə hüquqi məsləhətlər təqdim olunur. Bu yanaşma, həm daxili nizam-intizamın formalaşmasına, həm də xarici tərəfdaşlarla münasibətlərdə hüquqi sabitliyin təmin olunmasına xidmət edir.

Xidmətə nələr daxildir ?


Direktorun vəzifələrinin hüquqi təsviri və səlahiyyət hədlərinin müəyyənləşdirilməsi

Direktorun vəzifələrinin hüquqi təsviri və səlahiyyət hədlərinin müəyyənləşdirilməsi

Direktorların hüquqi məsuliyyəti yalnız idarəetmə ilə bitmir – onların vəzifələrinin və səlahiyyətlərinin düzgün müəyyən olunması həm daxili qərarların legitimliyi, həm də mümkün mübahisələr zamanı müdafiə üçün vacibdir. Biz direktorların hüquqi statusunu şirkətə uyğunlaşdıraraq aydın və hüquqi cəhətdən əsaslı çərçivələr yaradırıq.
Təsisçi qərarlarının və protokolların hazırlanması

Təsisçi qərarlarının və protokolların hazırlanması

Təsisçilər tərəfindən qəbul olunan qərarlar şirkətin strateji istiqamətini müəyyən edir. Bu qərarların qanunvericiliyə uyğun, aydın və izah edilə bilən dildə sənədləşdirilməsi, gələcəkdə mübahisə və ya yoxlama zamanı əsas hüquqi baza rolunu oynayır. Biz təsisçi qərarları və ümumi yığıncaq protokollarını hüquqi forma və məzmun baxımından hazırlayırıq.
Korporativ sənədləşmə sisteminin qurulması

Korporativ sənədləşmə sisteminin qurulması

Hər bir hüquqi şəxs üçün sistemli sənədləşmə — yoxlamalarda, auditlərdə və məhkəmə çəkişmələrində ön xətt müdafiə vasitəsidir. Biz şirkətinizdə korporativ sənədlərin düzgün və ardıcıl saxlanmasını, formaların və protokolların standartlaşdırılmasını təmin edən hüquqi sənədləşmə sistemi qururuq.
ESG və daxili audit strukturunun hüquqi əsaslandırılması

ESG və daxili audit strukturunun hüquqi əsaslandırılması

Müasir korporativ idarəetmədə Ətraf mühit, Sosial məsuliyyət və İdarəetmə (ESG) prinsipləri ilə daxili audit sistemləri vacib elementlərə çevrilib. Biz bu strukturların hüquqi əsaslarını hazırlayır, ESG hesabatlarının və audit sənədlərinin hüquqla uyğunluğunu təmin edirik. Bu yanaşma həm reputasiyanı, həm də investor etimadını artırır.

Müraciət et

* Tələb olunan sahələr